稻香.茶居 (荷李活商業中心) (已結業)

繼續我地嘅💰慳錢食好西系列💰：下午茶超抵食嘅稻香•茶居🍵，大中小點一律以小點計真係幾吸引🤤，三個人食到飽曬連埋茶錢都係百零蚊😧話明茶居，茶比一般稻香講究好多，每張檯都有獨立嘅熱水龍頭🚰，連茶壺🍶都卑兩個卑你隔走啲茶葉🌱，有啲心思👍🏻 傳統點心保持一貫cp值極高嘅水準👨‍🍳，特別係鳳爪👋併排骨🦴，排骨超入味肉質嫩滑，蒜蓉味好香濃，真心推介💯另外叫左個傳承名店，一次試曬4⃣️款點心，其中紅棗糕比好多連鎖酒樓做得出色🥰，甜得黎好清新同香，唔會得個甜字🧁，趁熱食啊🔥！ 呢間亦有新派嘅點心🆕，櫻花蝦脆網腸粉🦐都幾得意，出面滑捋捋，咬落去又脆脆地，1啖同時有唔同口感，有少少似炸兩（？）再加埋櫻花蝦特有嘅咸香味，配搭幾好經過肚餓🤒可以上去醫下肚，平平地隨便叫都唔會太心痛🤭！