話說某一日睇viuTV既節目先知，老公完全唔知有蓮香樓呢個地方， 問左十萬次"吓？您真係唔知！？"之後，本人就作出呢個決定，一定要同佢尼試下！(其實自己都十年無再去😂)
星期六一早尼到，係度揾到個撘枱位(已經係超幸運)。我地無揀傳統既焗忠沖茶，叫左普通既一個茶壺(強烈建議大家用焗忠啦不過)。 連香特色之一，當然就係點心姐姐推新鮮點心車啦！無特定既時sequence ,有咩整好就推咩，大家都蓄勢待發。
點心唔係新派既精緻系，但每一樣都絕對係真材實料
！
雞扎裡面有冬菇，豬肉，魚肚，仲有用既雞唔係冰鮮雞柳，係有雞味既有雞件，食既時候要小心唔到咬到骨頭。叉燒包入面，唔係鮮紅色既不知明肉碎，而係清楚睇到既叉燒粒，色澤都好自然。蝦餃，老公表示，係佢搶得最難既一籠點心。不過睇相可見，雖然唔係用頂級嘅大蝦球，但絕對皮薄，清晰見到竹筍絲同蝦肉。最後最推介既係
魚肚扎，老公不停等待第二輪不過連香既叔叔表示，魚肚扎一般早上先會有比較多既出現率。
平均20-40蚊一籠點心。環境贏唒，真材實料。不過全部Do it yourself，唔好expect 會好似酒店坐得咁舒服又有人招呼啦！
