川燒 (已結業)

一大班朋友次次打邊爐, 真係要玩玩新花款, 一於提議食串燒啦!! 無他既, 食串燒志在慢慢食下野, 吹下水咁既0者~講到串燒, 不得不提佐敦渡船街一帶, 簡直集中哂係果到.....芸芸之中, 我地揀左川燒, 餐紙中選擇幾多下, 有分海鮮, 肉類, 蔬菜, 甜點, 飯及飲料等等

冰爽涼伴麻辣牛脷

$28

先同牛牛接個吻先~~其實講緊係冰爽涼拌麻辣牛脷, 冰爽就冇乜啦, 麻辣來講就一般, 唔知點解食食下會令我唸起譚仔既?! 幸好牛脷唔韌, 小小辣幾開胃

燒墨魚腸(左), 燒飛魚卵子香腸(右)

$20

再上既燒墨魚腸(左), 燒飛魚卵子腸(右), 食落似普通香腸, sorry.....唔睇張相, 差D唔記得自己有食過添

川香海蜇頭伴青瓜

$38

川香海蜇伴青瓜, 海蜇夠爽口, 青瓜切片與醬料混合, 辣度較濃烈, 正岩我呢個嗜辣人士, 再者餐前吃點蔬菜亦不無道理 (懶係俾個藉口話係balance diet)

川香肉碎燒茄子

$36

燒茄子, 的確係my飛忽, 將茄子分開一半, 再係中間加D肉碎, 蔥花, 拎去慢燒, 令肉汁滲哂落茄子肉入面, 難得茄子經燒過能保持嫩滑多汁, 我只好講句"店小二, 再來一客!!!"

燒鮮白鱔串

$38

久違的白鱔, 那個鬼地方沒有新鮮食架!! 一係食魚柳, 一係三文魚, 白鱔講真好多人都好怕食佢, 皆因佢太多細骨, 所以大多數男仔都唔食魚(怕麻煩), 呢個燒鮮白鱔唔講得笑, 一來冇乜骨, 二來好入味, 魚肉又好細滑, 加上燒汁醬汁一齊燒, 忍唔住連魚皮都食埋! 罪過罪過

黃金燒大虎蝦

$68

黃金燒大虎蝦! 不得了~有我最愛既咸蛋黃, 平時就咁燒蝦, 可能你會覺得好普通, 川燒一於加D花臣, 係上面加埋咸蛋黃, 火候真係好重要!!!燒得太耐蝦肉會鞋, 而咸蛋黃又會乾爭爭, 喜出望外, 我擔心既情況冇出現到, VERY NICE~絕對可以ENCORE

燒海殼王

$148

食魚食魚有益, 唔好俾佢停落來, 燒海殼王, 請原諒我太醜, 其實我很溫柔, 差D代入左條魚到 DD 無疑條魚個樣唔多討好, 正所謂, 我SELL內涵既, 你識條鐵咩

燒海殼王

$148

切開之後, 魚肉係鮮甜嫩口, 一D魚腥味都冇, 唯一係比較多骨, 魚骨屬大條, 都幾易見到既, 勁快秒速KO哂條魚, 果刻我差D以為自己係隻貓 (喵~)

蜂蜜燒鳳梨

$20

串燒必叫之選, 燒菠蘿, 蜂蜜味....HOW COME先~甜度一般咋, 抵讚係幾多汁, 夠哂JUICY

燒芝麻湯圓

$22

最後少不了的甜品, 燒芝麻湯圓, 有幾粒燒到過左龍= =, 個樣衰衰地咁款, 味道係芝麻湯圓, 沒差! 係層湯圓皮煙煙韌韌特別少少 :)
獨樂樂不如眾樂樂, 開飯幾時都係一大班先食到開心既~