炭火地雞 (已結業)

🐥炭火地雞 🔎中環九如坊6-10號林氏大廈地下C-D號舖-----近日發現美食雲集嘅中環九如坊新開咗間串燒店，收工就黎一試究竟。餐廳在做日本啤酒買一送一，正合我哋心意，抵飲。餐牌選擇多，整體價錢合理，雖然係中環，但沒有go crazy。睇完餐牌之後我哋前前後後order了18款食物，包括有：雞胸軟骨、雞翼、免治雞肉棒、椎茸免治雞肉、雞肝、雞腿、味噌松板豬、豚肉麻糬卷、豚肉鵪鶉蛋卷、海老卷、炭燒白鱔、明太子燒淮山、田樂燒茄子、金時番薯、雞肝醬多士（二人份）、薯仔沙律、甘口嘉美雞全翼、芝士年糕。整體黎講食物質素都很不錯，尤其推薦用備長炭燒製的雞類串燒。雞胸軟骨爽脆非常、椎茸免治雞肉軟嫩多汁、雞肝醬多士亦係酥酥脆脆，肝味好濃郁。海老卷頗具新意，外層由豚肉包裹著，令蝦鮮味中帶點豚脂香氣。鹽燒白鱔非常厚身，魚脂豐腴。愛澱粉的話，可以一嘗香甜日本🇯🇵金時番薯，外軟內拉絲的芝士年糕亦不錯。