The Cha:rm (已結業)

四個姊妹，三個係偽韓妹，聚舊當然食韓國菜喇😋哩間The Cha:rm除咗有韓國菜之外，仲要係好食嘅韓國菜，而且環境清靜又坐得舒服，非常適合姊妹淘傾計👍🏻本來想黎食佢嘅雪花冰，點知岩岩部機壞咗，so sad. 唯有食其他野啦。哩個蜜糖牛油味炸雞（大）真係幾好食，即叫即炸，熱辣辣上枱，而且一啲都唔滯，不過170幾蚊貴左啲。韓式伴飯係飽肚之選，哩碗吞拿魚腸仔嘅都係50蚊左右。上面嘅蔬菜新鮮夠晒甜，底下仲有粟米，非常健康同豐富，而且味道都好好。芝士煙肉薯條大大碟，一樣都好食。下面個辣味忌廉炸雞（細）最有驚喜，個汁唔會滯，酸酸甜甜帶點辣味非常開胃，而且只係80幾蚊，但份量同上面170幾嘅大雞差唔遠，抵食好多。見意大家叫兩個細嘅，唔好叫一個大嘅，可以試多隻味之餘份量仲多咗丫嘛。