影片
更多
2007-03-29
22 瀏覽
為公事到尖沙咀取件,難得平日下午到尖咀,行多幾步到尖東食個late lunch。下午四點幾店內只有幾個客人,環境恬靜氣氛悠閒,同週末情況截然不同,個人相當享受呢個難得偷閒機會!!心愛latte先到,今次係超可愛貓貓!!!!飲左幾次latte,每次都有唔同圖案,而每次都令自己好有驚喜!咖啡仍然保持水準,仍然香醇好飲,泡沫仍然綿密,讚!!多穀多士配吞拿魚碎蛋:麵包烘得香脆,因為多穀包關係,咀嚼間會食到唔少穀類,覺得自己有d似雀仔!碎蛋份量比吞拿魚多,前者口感幾滑但又唔太夠蛋香;後者味道一般;加上蕃茄、青瓜之後,增加清新感覺同口感,所以還ok。服務方面仍然保持高水準,店主一向有禮之外,其他店員一樣溫文有禮,令人感覺舒服!
下午四點幾店內只有幾個客人,環境恬靜氣氛悠閒,同週末情況截然不同,個人相當享受呢個難得偷閒機會!!
心愛latte先到,今次係超可愛貓貓!!!!飲左幾次latte,每次都有唔同圖案,而每次都令自己好有驚喜!咖啡仍然保持水準,仍然香醇好飲,泡沫仍然綿密,讚!!
多穀多士配吞拿魚碎蛋:麵包烘得香脆,因為多穀包關係,咀嚼間會食到唔少穀類,覺得自己有d似雀仔!碎蛋份量比吞拿魚多,前者口感幾滑但又唔太夠蛋香;後者味道一般;加上蕃茄、青瓜之後,增加清新感覺同口感,所以還ok。
服務方面仍然保持高水準,店主一向有禮之外,其他店員一樣溫文有禮,令人感覺舒服!
張貼
