今次係銅鑼灣搵到呢間幾地道既川菜館，推介俾大家。
入到去第一個感覺係：老細是咪好鍾意雀仔😂
餐廳起名「巢私廚」，入面嘅裝修有好多雀，或者同雀有關既野，幾趣緻。
餐廳內部寬敞，坐得舒適。
連餐具都同雀有關喔！
先點一道開胃涼菜：貴妃葡萄🍇
聽個名已經覺得好高貴典雅😍
這道菜賣相似一粒粒晶瑩剔透既巨峰提子，原來係由冬瓜浸入紅酒製成。
酸酸甜甜，冰涼爽口，非常開胃。
燉湯：蟲草花燉烏雞
碗湯好足料，飲落鮮甜滋補，湯渣都忍唔住食埋。
秋冬必點湯品
涼菜：口水手撕雞
雞肉嫩滑，配搭爽脆既青瓜，好快就清盤啦！
川菜重頭戲：沸騰水煮桂魚
評定川菜餐廳既一大標準就係睇佢地既水煮魚正唔正宗！
魚有得揀食咩魚，識食一定食桂花魚，肉質比較滑嫩而且冇乜骨。
呢度有得揀辣度，想食正宗川味就大辣，嘗下鮮就小辣啦。
見到滿滿既辣椒已經流曬口水，魚肉唔腥，話佢同豆腐一樣嫩真係一d都唔誇張。
值得無限encore 既一道菜！
乾鍋有機菜花
都係非常有川味既一道菜。
花椰菜香脆，越吵越入味，幾好食！
小總結：嗜辣之徒要黎試試佢啦！
