LITE (已結業)

⭐️LITE⭐️📍:中環威靈頓街25號地舖⏰:9:00am-5:00pm今日咁岩過中環做美容 想食啲輕便啲嘅美食 可以拎上美容院食 就見到附近呢間 專食健康沙律、奶昔嘅舖頭 雖然舖頭面積好大 但係以外賣為主！不過地方好有藝術feel 不定時會有畫展 打卡都一流📷呢度嘅樓上係健身室 一落樓下就可以買到咁健康嘅沙律 真係非常方便😂🍌香蕉奶昔叫咗杯香蕉奶昔 感覺好濃郁 淡淡香蕉味 味道飲落唔會好甜 好有健康嘅口感 唔會好滯 飲多幾啖都唔會好肥😍🍊Carrot orange juice呢杯只有221卡路里既果汁 味道清新解渴 亦都加入咗蔬菜蘿蔔、pinapple、lime 飲完會好飽肚 新鮮得來又濃郁！🥗自選五款沙律佢哋呢度嘅沙律有多達20款款式 有平時少見嘅紫薯、鷹嘴豆、西蘭花 亦都有我最鍾意食嘅吞拿魚、蟹肉、雞胸肉等 今次我叫咗蟹肉、蘑菇、吞拿魚、BB菠菜、雞蛋、薯仔 要咗冰冰涼涼嘅牛油果醬 味道濃郁之餘 好新鮮 同沙律嘅口感非常之夾 真係食幾多都唔會厭嘅沙律 無論減肥人士定健康人士都好岩 營養得來又好飽肚！