Supabowl (已結業)

行緊皇后大道東經過汕頭街既時候，見到有兩個女士拎住一杯用椰子底載住疑似喺雪榚既嘢，好奇心之下就行左過去睇喺咩舖頭賣既食物嚟，一行到去本身仲以為喺yogurt之類，睇真個牌之後先知原來係一啲superfood加上水果既食物。呢間舖頭暫時只見到有賣四個食物，都係一啲唔同superfood連唔同水果既配搭，最吸引我既就係本身就好鍾意食既火龍果做底既firebowl，叫左一個最細既份量嚟試下食先，因為即叫即做，所以都需要一啲時間先有得食，大約等左五分鍾左右，而等既期間店員都好親切咁同我哋傾吓計同介紹食物。Firebowl - 佢既面頭喺粒狀既火龍果同藍莓加埋，而我亦加左$6要埋佢哋自家製既杏仁醬，食落去明顯食到杏仁醬既材料好足，唔似出面既杏仁醬味道咁假，而除左水果之外，佢都有夾雜一啲亞奇籽喺入面，非常之健康，而中層就喺最主打既火龍果肉，食落去有啲似雪榚既感覺，因為估計佢哋喺整融左火龍果後再將佢雪涷而成既，食落去每一啖既果肉都好新鮮有質感最後一層就喺一啲脆脆，連埋雪涷左既火龍果食好正食完之後成個都好飽肚，好適合一啲喺附近返工既OL做代餐或者小食之選！