輕時光

營業中

休息中

中環新開左一間手搖店，主要係賣一啲比較健康嘅乳酪飲品。舖頭嘅位置比較隱蔽，但係佢嘅裝修好亮眼。同朋友去試咗兩款嘢飲。火龍果優格果昔 $44 (Large)呢個嘢飲由yogurt同火龍果肉撈埋一齊，賣相都幾好睇，都幾好睇。你講啦因為我哋嗌左半糖，所以杯嘢都唔會太甜，反而可以飲到火龍果自己嘅甜甜地嘅味道，同乳酪都幾夾。芒果優格蓋茶（桂花烏龍）$38呢個有得揀茶藝嘅，有桂花烏龍同埋茉莉綠茶。我哋就揀咗桂花烏龍，呢一杯係將啲芒果溝埋落去yogurt 嗰度，再作為一個toppings 放喺個茶底上面，就好似喺其他地方飲到嘅奶蓋茶咁，不過呢杯就飲到yogurt 同芒果嘅酸酸甜甜味，感覺好清新。同埋如果你外賣嘅話，你要比返一到兩蚊嘅外賣袋錢，不過呢啲錢佢會捐出去嘅，比起其他舖頭，呢一間店舖有心好多，會盡綿力幫有需要嘅人。