一汁一菜 (源成中心)

營業中

休息中

今日喺觀塘叫咗一間日式外賣，整體配撘唔錯，所以想推薦一下！主菜：和牛漢堡扒定食配糖心蛋飯及和風燉豚肉濃湯（小） 和風漢堡扒份量適中唔會太細份，配上一啲微微酸嘅醬，解膩之餘仲十分開胃。佢再配上少少嘅本菇，攞嚟撈飯真係一流！佢配嘅糖心蛋飯亦都食得出係日本米，米飯飽滿帶少少黏性，加埋糖心蛋又係一個絕配。而佢嘅和風燉豚肉濃湯雖然份量係唔多，但係亦都冇欺場，真係有豚肉喺入邊俾你食。配上少少麵豉嘅感覺，成個湯好夾，配埋個飯真係一絕。而我額外再加多咗兩個餸，分別係大根豬軟骨同埋味噌牛油照燒雞扒。豬軟骨煮到非常之腍，亦都好入味。軟骨位置10分爽脆，唔會太硬。食落去口感好唔錯。而佢嘅照燒牛油雞扒調味好好，味噌味唔會太搶，依然食得出雞肉嘅鮮味。加上牛油更加邪惡，香氣四溢。亦都唔會煎到乾殘殘。整體來說，這份定食的內容很豐富，不只是吃飽，更是吃得滿足。從主菜到小菜、湯品，味道都有變化，而且彼此之間不會搶戲，吃完後的感覺是舒服、平衡，會讓人想再回去試其他菜色。如果你都喜歡日式便當，可以一試。