影片
更多
2022-06-30
875 瀏覽
【健康蓋飯🤍 10款國家任你選！CP值極高？！】推薦程度：●●●●●抵食程度：●●●●○——— 🇲🇽 小編私心の選 - MEXICAN BOWL｜$160呢款係我私心最愛🤍🤍 材料有：辣雞肉、羽衣甘藍、牛油果、墨西哥辣椒、黑豆、菲達芝士、三殼米。先講雞肉，微微辣，愛辣者或者唔夠喉，但唔食得辣/BB辣就覺得好過癮；口感嫩滑，唔算好多汁，但啖啖肉好飽足；建議黑豆、葵花籽、菲達芝士同飯底要撈埋一齊食🙌🏻 有豆蓉嘅口感、籽嘅脆口，芝士嘅咸香，連飯食超正！！✨🇮🇳 濃味愛辣の選 - INDIAN BOWL｜$160呢款係最特別，印度風味亦好突出，材料有：印式烤雞、印式蔬菜沙律、雞心豆、椰菜花、薄荷乳酪、印度香飯。最驚喜係雞心豆好香辣，介乎小辣至中辣，對於食開中辣嘅我超滿足🌶🌶 友人唔食得辣，覺得條脷麻咗，但喉嚨冇刺痛感，想過下辣癮都可一試！另外naan係捲成cone型、烤到薯片咁脆口😍 可以將材料塞入去或者壓碎撈勻食，同樣可口突出！印度沙律比較少葉類蔬果，多樣係椒類，相對上爽口但冇咁light～🇨🇳 雞肉の選 - SHANGHAINESS BOWL｜$150材料有：水煮雞肉、青瓜、香菇、花生、糙
推薦程度：●●●●●
抵食程度：●●●●○
———
🇲🇽 小編私心の選 - MEXICAN BOWL｜$160呢款係我私心最愛🤍🤍 材料有：辣雞肉、羽衣甘藍、牛油果、墨西哥辣椒、黑豆、菲達芝士、三殼米。先講雞肉，微微辣，愛辣者或者唔夠喉，但唔食得辣/BB辣就覺得好過癮；口感嫩滑，唔算好多汁，但啖啖肉好飽足；建議黑豆、葵花籽、菲達芝士同飯底要撈埋一齊食🙌🏻 有豆蓉嘅口感、籽嘅脆口，芝士嘅咸香，連飯食超正！！✨
🇮🇳 濃味愛辣の選 - INDIAN BOWL｜$160呢款係最特別，印度風味亦好突出，材料有：印式烤雞、印式蔬菜沙律、雞心豆、椰菜花、薄荷乳酪、印度香飯。最驚喜係雞心豆好香辣，介乎小辣至中辣，對於食開中辣嘅我超滿足🌶🌶 友人唔食得辣，覺得條脷麻咗，但喉嚨冇刺痛感，想過下辣癮都可一試！另外naan係捲成cone型、烤到薯片咁脆口😍 可以將材料塞入去或者壓碎撈勻食，同樣可口突出！印度沙律比較少葉類蔬果，多樣係椒類，相對上爽口但冇咁light～
🇨🇳 雞肉の選 - SHANGHAINESS BOWL｜$150材料有：水煮雞肉、青瓜、香菇、花生、糙米同四川辣椒醬。如果對雞肉有執著，就要試下呢款！比起其他bowl都更嫩滑，入口立即驚艷咗！皮下冇乜脂肪，可以放心大啖食👍🏻 辣花生醬夠香，略嫌類似豆瓣醬嘅咸味多咗少少～ 整體BB辣至小辣，唔會麻痺口腔，配料撈埋食都尚算清新，唔會過膩～
張貼
