2DP (已結業)

食完晚飯又係時候食甜品, 已經食過幾次既2DP, 每次都見有新餐牌, 好少可見有咁勤力出新野既餐廳LOL 原來而家仲有外賣飲品~不過我對於佢地既養生甜品感興趣D, 之前已經試過唔少佢地既茶味雪糕, 所以今次叫個熱糖水, 揀左桃膠雪蓮佐黃耳, 以中式碗裝載充滿中國風情, 桃膠係女性保養恩物, 自己都有買黎煲, 都唔平, 除左桃膠仲有黃耳更貴價既食材, 所以貴少少都合理, 即刻覺得自己滋潤左, 哈哈!另外臨走仲叫左個冷泡古樹月光白茶, 全因為見到餐牌寫左超級氧化!!! 估唔到用個咁靚既樽, 勁重手同重本LOL, 茶香淡然唔濃烈, 飲落順口舒暢。