滿越越式河粉專門店 (已結業)

近排成日出街食飯，心理、生理上，都覺得唔係咁健康。所以今日決定食得健康D，揀選了紅米飯!!!LEE間越南餐廳，都開業了數月，我間唔中都會嚟幫襯，貪佢D凍飲大大杯，卡位梳化大大張，坐得好舒服。有時一個人無聊，仲會一邊食，一邊嘆雜誌，非常正!!! 哈哈!!!今日又係一人行，叫了咖喱牛腩紅米飯 + QQ滴漏咖啡。咖喱牛腩﹕一向出色，牛腩非常腍身，而且好入味。一入口，啖啖都係香濃的咖喱汁及牛味。紅米飯﹕好多時出街食紅米飯，都係因為感覺上健康D，因為佢比白飯高纖。不過，市面很少餐廳供應，又或者有得供應，個飯通常都係超堅...硬!!!好難食!! 今日有D驚喜，因為這個紅米飯，高纖有咬口得嚟，都尚算軟身，不會太硬。而且，紅米飯放在綠色生菜上，賣相好靚，增添食慾。QQ滴漏咖啡﹕同平時外出飲的coffee不同，越南餐廳通常都會有這個滴漏咖啡，好好玩，好似沙漏咁，一滴一滴咁累積成一杯美味香滑的咖啡。發呆咁望住佢滴下滴下，都好過癮。很愜意的一餐。