大快活 (已結業)

一個人行完街，經過大快活就入左去望下有咩食，本身無唸過食既，不過見到有個健康餐好似幾健康，就外賣左個翻去試下。黑醋汁豬柳紅米飯外賣既賣相還可以啦，唔算差架啦。紅米飯夠哂健康，一d都唔硬 唔會「銀」胃。配菜竟然係暖既，就靠呢點就可以反映到連鎖式快餐店都可以係一間有心既餐廳。再講講個豬柳，其實無乜好講，普通一塊。個汁都無乜特別，反而覺得無個汁仲好食。但係呢個價錢，有2塊同有杯野飲，算係可以接受到既範圍。