獅烤 (已結業)

約左一位好耐無見既朋友仔食飯，由於佢係生酮飲食既朋友仔，我又減緊肥，要搵間適合我地既餐廳。搵搵下就俾我發現左原來有間適合生酮人士既串燒店，而且有好多無糖無澱粉，岩佢地食既菜式。燒和牛煎蛋定食$65（送湯）咸咸地既和牛，肉質結實，撈埋蛋汁豉油一齊食，幾香。三文魚腩煎蛋配煙肉椰菜花飯套餐$82（送湯）👍🏻三文魚魚腩煎至外皮香脆，滲出油脂，入口甘香滑溜🤤，配埋炒香既煙肉椰菜飯，味道唔錯，低卡無負擔既椰菜飯，真係減肥必食。生酮蘋果醋梳打跟餐+$18無糖酸酸地，加埋梳打，口感清爽。串燒無骨雞頸肉跟餐+$22啖啖無骨雞頸肉燒得岩岩好，點埋酸辣汁同柚子胡椒汁，又酸又甜又辣辣地，味道更有層次😋日本無激素雞皮$26雞皮燒到脆卜卜，好香口🤤羊仔架$45朋友仔話啖啖肉，味道唔錯。芝士蒜蓉錫紙金菇$25熱辣辣既金菇充滿蒜蓉芝士香，再點埋酸辣汁🤤更加好味。獅烤桂花烏龍冷泡茶$18無糖低卡既桂花烏龍一樣適合減肥人士。食完燒烤都無太大負擔，生酮飲食同減肥中既朋友仔又多個選擇喇😊