五穀豐收 (已結業)

間唔中都會黎呢度食晚飯，因為佢既套餐係一餸一飯一普通飲杯＝＄50（如上圖所示），佢既味道比較清淡，你揀一個餸仲會送埋豆腐比你，金菇肥牛非常入味，每次都係呢個餸 飯既種類有五穀飯/菜飯，佢既五穀飯有點硬，未必個個鐘意，但就非常健康！飲品方面我每次都會點腐竹薏米水，清甜解渴又唔太肥，個人非常喜歡！朋友點左呢個豬頸肉，酸酸甜甜的豬頸肉非常開胃，份量適中！如果間唔中想清淡下，呢度會係我既不二之選！