影片
更多
2021-02-27
35 瀏覽
首先真係辛苦晒呀妹今日萬歲帶咗3杯沐淳嘅飲品返嚟～！元朗手搖飲品店講真唔少，但沐淳個定位同其他啲飲品店係有啲唔同嘅，我會話佢比起台茶健康啲，奶類嘅飲品佢哋會用鮮奶或者可以轉豆奶，棄用即沖奶精。老實講，飲得呢啲都唔會預唔肥，不過有得揀，點解唔揀啲營養價值高少少㗎呢。出面一用鮮奶價錢會貴啲啲，呢度價位都係差唔多啦。沐淳皇牌必數小芋圓大甲芋頭鮮奶，如果鍾意芋頭嘅朋友，我贈你一句「平生不飲過沐淳，便稱芋絲也枉然」！有冇誇張？你飲過就知喇。佢哋啲芋頭蓉，真係啖啖都係芋頭味，真係台灣大甲芋頭，冇添加，唔會太甜，溝埋鮮奶，真係至尊無敵嘅享受！下面一粒粒嘅唔係芋頭粒，係芋圓，都係芋頭不過就煙煙韌韌，令到成件事多咗口感。我妹話排隊嗰陣，前面三個客都係點呢杯，證明呢杯回頭率甚高，我覺得呢個絕對係要一試嘅一杯。 珍珠鐵觀音烏龍拿鐵係人氣no. 2，咁就試下佢啦。茶香，真材實料，加上用鮮奶沖，入口更覺絲滑！珍珠份量差唔多有半杯，真係大手筆童叟無欺。珍珠都煮得幾好嘅，可能因為我真係好怕甜，我揀咗無糖，但珍珠點走甜都係用糖煮嘅，所以杯飲品走甜我就覺得啱啱好喇。個friend叫咗杯翡翠鮮檸茶，遙控落單冇留意到原來係
首先真係辛苦晒呀妹今日萬歲帶咗3杯沐淳嘅飲品返嚟～！元朗手搖飲品店講真唔少，但沐淳個定位同其他啲飲品店係有啲唔同嘅，我會話佢比起台茶健康啲，奶類嘅飲品佢哋會用鮮奶或者可以轉豆奶，棄用即沖奶精。老實講，飲得呢啲都唔會預唔肥，不過有得揀，點解唔揀啲營養價值高少少㗎呢。出面一用鮮奶價錢會貴啲啲，呢度價位都係差唔多啦。
沐淳皇牌必數小芋圓大甲芋頭鮮奶，如果鍾意芋頭嘅朋友，我贈你一句「平生不飲過沐淳，便稱芋絲也枉然」！有冇誇張？你飲過就知喇。佢哋啲芋頭蓉，真係啖啖都係芋頭味，真係台灣大甲芋頭，冇添加，唔會太甜，溝埋鮮奶，真係至尊無敵嘅享受！
下面一粒粒嘅唔係芋頭粒，係芋圓，都係芋頭不過就煙煙韌韌，令到成件事多咗口感。我妹話排隊嗰陣，前面三個客都係點呢杯，證明呢杯回頭率甚高，我覺得呢個絕對係要一試嘅一杯。
珍珠鐵觀音烏龍拿鐵係人氣no. 2，咁就試下佢啦。茶香，真材實料，加上用鮮奶沖，入口更覺絲滑！珍珠份量差唔多有半杯，真係大手筆童叟無欺。珍珠都煮得幾好嘅，可能因為我真係好怕甜，我揀咗無糖，但珍珠點走甜都係用糖煮嘅，所以杯飲品走甜我就覺得啱啱好喇。
個friend叫咗杯翡翠鮮檸茶，遙控落單冇留意到原來係沙冰，但沐淳個沙冰唔係成杯都係冰，所以唔會話凍到牙肉敏感嗰隻（哈哈）偷偷飲咗啖覺得啲檸檬味酸酸地好正，茶唔係出面街啲紅茶，係青茶，所以回甘度高。總括嚟講佢哋嘅出品都幾高質，餐牌好多選擇，有少少選擇困難，我會再試吓其他味～
張貼
