阿杏飯團 (富華中心商場) (已結業)

lunch嘅時間出街食真係好多人,又要排隊等位食飯。聽同事話「阿杏飯團」幾好食。又喺網上見到有人介紹這間台灣過江龍嘅連鎖店。睇見佢嘅粉紅色花花包裝袋,真係好吸引。地方仲好就腳,喺荃灣地鐵站對面富華中心,又容易搵,真係方便。新宿燒汁牛扒飯團燒汁醃製牛扒好入味,仲有滿滿嘅肉鬆、油炸鬼、菜脯和生菜絲.咬落去鬆脆好食。芝士鰻魚飯團呢個飯團真係好食,紫菜包住紫米,鰻魚、火腿、肉鬆和油炸鬼,加埋大量拉絲芝士,餡料又多,好有滿足感。黑糖珍珠奶茶奶茶滑溜,珍珠軟糯又彈牙,甜度有得自己選擇,啱曬我。手作紅豆奶茶紅豆粒粒飽滿,煮得又夠淋,奶茶順滑,唔太甜。總結:阿杏飯團係即叫即做,勁多料.又大件。服務態度非常熱誠,問我哋要唔要少甜少冰。又話飯團凍左,可以用微波爐叮熱,就會更好食。值得推介👍👍👍