大麥牛肉麵 (已結業)

去完搵朋友～經過見到間台灣嘢～超級鐘意台灣嘅我～緊係唔放過啦～入到去店員熱情招待，好有親切感～地方不大，但環境裝飾簡單得嚟好舒服～就咁睇Menu食物選擇唔多～但睇相好似好好味咁～台灣牛肉麵我就見得多，蕎麥麵我又小見喎～所以我就叫咗佢個 招牌紅燒牛肉蕎麥麵～賣相唔錯喎～牛肉好嫩而又大件～湯底係無味精，但又食到佢好夠味～店員話個湯底係佢哋熬咗72個鐘嘅牛高湯再加秘製醬料而成～飲落都唔同啲～到個蕎麥麵～質感幾好～同牛肉都幾襯～成碗麵感覺好健康～朋友叫咗古早滷味雞腿飯～剩返最後一隻～朋友話好彩叫到咋好大雞脾啊～好吸引～我都食咗小小～雞脾吸晒滷汁啲味道～好好味啊～另外仲叫咗個滷肉飯～味道十足～唔該來多幾碗飯吖～小食叫咗滷水雞翼當然都係吸晒啲滷水味道啦～無雞脾～食住雞翼頂住先～皮蛋豆腐～豆腐好滑，容易夾起，唔會一夾就散～面層有我最愛嘅肉鬆，同埋皮蛋一齊食，味道更加分～飲品我叫咗桂花薄荷酸梅湯～酸梅湯帶點薄荷味又幾特別～大家可以一試～