閨•家 (西九龍中心) (已結業)

探閨蜜來到深水埗，幾個閨蜜聚舊就係想傾吓偈，話明唔好煮飯，於是朋友提議到西九龍中心的『閨家』，買咗以下3個外賣。1. 柱候牛筋腩飯，52蚊，牛筋，牛腩都炆得好入味同埋好淋，味道又調較得好均衡，大家都超鍾意。2. 香煎蓮藕餅豬扒飯，50蚊，呢個係招牌菜式，蓮藕餅好足料，食得出蓮藕味，豬扒薄切好香口，仲有香葱，酸菜等配搭，正。3. 慢煮豬軟骨飯，48蚊，用慢煮方法，D豬軟骨美味吸引，令人垂涎。每個飯都跟有無味精老火湯，今日係青，紅萝卜，海底椰煲豬骨，又健康又好飲。