影片
更多
2018-12-02
31 瀏覽
朋友係附近返工，話呢間嘅lunch 好抵食又好味，於是嚟試下佢嘅晚餐～餐廳主色系藍白色，掛滿充滿希臘風格嘅裝飾，感覺幾舒服～連廁所嘅門、牆壁、天花都有貼牆紙同油油，貫徹翻主題，呢點令我幾欣賞～佢地嘅食物調味比一般西餐淡同健康d，好多醬汁都係廚師自己調配，刻意保留食物原材料嘅味道同質感，而且份量足味道好，幾唔錯～咁啱食嗰晚客人唔多，餐廳店員好熱情同有耐性咁講解菜式，食緊嘅時候見我咳就即刻換暖水俾我，好細心！！呢度嘅晚餐主菜加$40就有餐湯、沙律、飲品。再加$28就有甜品。煙肉薯蓉忌廉湯（每日不同）湯幾濃厚，有薯蓉粒，加上煙肉香味，質感唔錯，煙肉粒大粒d 會更加好。藜麥煙三文魚沙律三文魚鹹鹹地幾入味又唔腥～沙律嘅蔬果類型幾豐富，除左健康藜麥之外，仲有比較特別嘅係深綠色嘅羽衣甘藍，口感比較硬d實d幾得意，此外仲有番茄、哈密瓜、青瓜、娃娃菜等等～同平時食到嘅好唔同～而且個沙律汁係廚師自己調製，酸酸甜甜，味道幾特別。照燒厚切比目魚扒 $188本身我怕腥唔鍾意食魚，但係朋友點左呢個我就試下，入口真係驚訝左，成件扒咁厚都煮得好嫩好嫩，充滿魚油，魚皮脆脆地，而且完全一dd 腥味都冇，同鱈魚嘅質感味道都
佢地嘅食物調味比一般西餐淡同健康d，好多醬汁都係廚師自己調配，刻意保留食物原材料嘅味道同質感，而且份量足味道好，幾唔錯～
咁啱食嗰晚客人唔多，餐廳店員好熱情同有耐性咁講解菜式，食緊嘅時候見我咳就即刻換暖水俾我，好細心！！
呢度嘅晚餐主菜加$40就有餐湯、沙律、飲品。
再加$28就有甜品。
煙肉薯蓉忌廉湯（每日不同）
湯幾濃厚，有薯蓉粒，加上煙肉香味，質感唔錯，煙肉粒大粒d 會更加好。
藜麥煙三文魚沙律
三文魚鹹鹹地幾入味又唔腥～沙律嘅蔬果類型幾豐富，除左健康藜麥之外，仲有比較特別嘅係深綠色嘅羽衣甘藍，口感比較硬d實d幾得意，此外仲有番茄、哈密瓜、青瓜、娃娃菜等等～同平時食到嘅好唔同～而且個沙律汁係廚師自己調製，酸酸甜甜，味道幾特別。
照燒厚切比目魚扒 $188
本身我怕腥唔鍾意食魚，但係朋友點左呢個我就試下，入口真係驚訝左，成件扒咁厚都煮得好嫩好嫩，充滿魚油，魚皮脆脆地，而且完全一dd 腥味都冇，同鱈魚嘅質感味道都好似，真係好好味！而且醬汁係廚師自己調配，幾特別～
配菜都幾豐富，有薯蓉、菇、脆肉瓜等等，味道都係保留食材本身味道為主，幾唔錯，又健康d～
紅菜頭忌廉汁雞肉鮮蝦闊蛋麵 $148
紅菜頭麵嘅顏色好少女心，佢係用紅菜頭汁上色，唔係食物色素，顏色好搶鏡，好彩佢冇乜紅菜頭味道。闊意粉掛汁能力一流，同埋有口感d，意粉好creamy，味道偏淡d 食多都唔覺膩，加上雞肉同蝦份量都幾多，而且雞肉幾夠味，加埋麵食啱啱好～
焦糖炖蛋（set 加$28）
燉蛋係凍嘅，造型似貓仔好可愛～ 生果幾新鮮添～而且燉蛋用鮮雲呢拿籽整，所以雲呢拿同蛋味都好濃郁～成個底都係雲呢拿籽，相當有誠意～略嫌表面層焦糖比較少d 薄d。
吉列紫薯餅 $38
好滾好熱辣辣，外脆內軟，中間紫薯淡淡甜味，係真紫薯蓉，仲夾雜d 栗子粒，好香口～
整體嘅味道、服務、環境都唔錯，經過牛頭角嘅話都想再試下其他菜式～
張貼
