Up2u (已結業)

紅磡周圍都係美食店，但如果要搵一間係食健康嘢其實都幾難，不過最近我發現有一間我覺得都幾好食，所以我已經連續幾個禮拜都係食佢！呢到店細細，所有野食都係即叫即整。我今次要左野菌蓉忌廉芝士醬配慢煮雞胸三文治。 我想講份量直頭係迫爆！雞胸肉整得嫩滑，份量夠多，配埋醬汁好好食，呢個份量大家都一定食得飽架！至於飲品方面我叫左個紅火龍果果昔，感覺對腸胃比較好。一飲落去已經知道冇mix 水，真材實料，超級新鮮同埋清新，正啊！