諸勝堂

營業中

休息中

上環有呢間諸勝堂，雖然係間茶記，但係店員都係年輕兒女。星期六過黎，依然全場滿座，全場都要搭枱，好有香港風情。呢度主打係炒滑蛋同埋豬肉。咁今日就揀左呢款自家製海鮮XO醬肉眼豬扒飯（$58）。本身包一杯基本飲品，我揀左咖啡，好奶滑。等大概10分鐘就有。肉眼豬扒超嫩滑，唔似平時食啲豬咁乾咁硬。呢度除左海鮮XO醬調味就無其他汁，好健康。XO醬鹹鹹地，都好夠味。仲有沙律菜！飯入面仲有粟米粒，咁健康，又加分喇。