燉 (英皇道) (已結業)

朋友介紹我呢間燉湯店，話係藝人楊明開嘅。佢話中午有套餐幾抵食，叫我試下。我見喺屋企附近近近哋 ，趁今日得閒就去食個lunch。裡面幾多位坐，堂食外賣都OK。餐廳每一日都有唔同嘅套餐組合，今日我就揀咗天麻川芎白芷燉魚頭，配魚肚滑雞蒸飯。燉湯原盅燉，入邊好多料，有豬肉，魚頭，仲有桂圓紅棗，當然唔少得天麻川芎。個湯好濃郁，飲完成個人暖笠笠，好適合女士補身。個蒸飯唔算大，但雞好滑，魚肚都好好味，撈甜豉油食幾正。