靚湯水餃 (已結業)

前幾日食得太多肥膩野，今日想食番清淡啲。醒起屋企附近有間專食無味精嘅湯餃，所以就去試下。去到已經係下午茶時間，叫左鮮肉韮菜餃配米線，仲有豆漿送，都係$25，好抵！啲湯隔日就轉一次，今日就係花膠豬骨雞湯，大碗之餘飲落真係無乜味精，而米線就係另上，唔會浸到"淋"哂。有員工喺鋪頭一角密密包餃子，所以都幾新鮮，每粒都好飽滿，唔錯唔錯！而自家製嘅菜脯辣醬都幾惹味，有蒜頭同豆豉爆炒過，好香，仲要無限添，我都食左好多。總之呢餐就係平靚正！