Wingman (船街) (已結業)

每隔一排食雞翼個鋪癮就會發作，所以要搵一間專門去食雞翼主題嘅餐廳，今次就嚟到灣仔嘅呢間雞翼餐廳度食晚餐。未食嘢之前叫咗啲嘢飲，因為食雞翼始終係比較重口味嘅食物，要叫番杯嘢飲佐口。叫咗呢個牛油果嘅前菜，新鮮牛油果配搭呢個醬汁，非常開胃。另外再叫多呢個前菜，係茄子燒，非常香口同埋識落非常有層次感，係需要有新鮮嘅食材先至會有呢種口感。主菜終於嚟啦，今次叫咗四款唔同口味嘅雞翼，有辣有唔辣。個人來講最鍾意呢款芝士口味嘅雞翼，因為佢嘅味道真係非常出。對於鍾意食雞翼嘅朋友，我都會推介呢間餐廳嘅。