綿綿烘焙坊 (已結業)

起初古早味蛋糕由台灣hit起，過江龍黎到香港，原味蛋糕起碼坐底都要五六十蚊一件，其他口味（朱古力/芝士/肉鬆...) 都要成七八十蚊件。到後期，香港開到成行成市，周圍都有間古早味蛋糕店咁，慢慢多競爭，熱潮又開始冷欲落黎。宜家買一件原味就只係$30，嘩！三十蚊咁大舊真係好抵食💪🏻今日特意走黎屯門綿綿烘焙坊買返一件，因為要慶祝屋企人生日，屋企幾位家庭成員既生日太接近，已經唔太想食有creamy 既蛋糕了😂😂稍為將蛋糕裝飾一下都見得下人，生日係要有D儀式感蛋糕真係好綿綿，禁一下好快回彈，切落有 實淨好重蛋香味 $30真係性價比高