孖寶車仔麵 (已結業)

食孖寶車仔麵既車仔麵，首先要叫佢既蘿蔔，超級入味而且多汁清甜無渣，做得好好，仲要味道重得黎清爽唔膩。牛腩咬落肉感好好，仲有件牛筋，軟綿好有骨膠原，牛味濃鬱好好食。牛肚都好夠腍，同樣入味多汁，好香好有咬口，食完唔痴牙點都要讚下。豬紅份量多，味道幾重，滑溜又入味，仲無腥味，配辣汁仲正。原味同辣味菜脯，辣既較吸引，一定要落少少。個麵即時多入鹹香爽口，辣得過癮。揀左粗麵吸多點湯汁，唔會煮到軟哂，麵仲彈彈地爽口，個人喜歡粗麵的口感。