甜舍 (已結業)

野餐落完山飲咗啡，好唔滿足，去咗食甜品補數。搵番上次同K想去又去唔到嘅“甜舍”。個人好唔鍾意graffiti，所以環境比好低分。掙扎响松露同龍珠最後揀咗後者。睇餐牌成份有波糖、香芒份子泡沫、芒果粒、芒果雪糕、芒果汁、朱古力爆炸糖、柑爆炸珠。店家明顯利用份子料理概念，將芒果唔同形態、質感放埋一齊。我覺得佢比米芝蓮二星嘅The Principal Orange Textures出色，至少玩得嚟好味道，芒果雖甜但有啲微酸嘅柑柚爆珠中和番，而且泡同雪糕(應是sorbet)比較輕盈，食完唔會漏同飽滯。不過啲sorbet有啲溶，我又食唔到有朱古力爆炸糖、柑柚爆炸珠又唔夠爆，似乎係成份同化學控制出事。整體唔錯，但$78响醜樣嘅店仔食唔完美嘅甜品，我寧願去五星酒店食件cheese cake，至少elegant同唔會失手。