六両三.台灣食堂 (已結業)

突然想食牛肉麵，又唔想去旺角咁遠，就喺附近食呢間。早排喺旺角食過阿木覺得好好食，嚟到見呢間標榜冇味精又多好評所以都好期待。見到餐牌，一碗牛肉麵要成九十蚊，仲要工廠樓上鋪，真係覺得有啲貴。我哋兩個人一人一個麵，再加咗個魯肉飯同麻辣鴨血。個麵嚟到都幾吸引，不過冇酸菜，個湯顔色好深，飲落反而唔算好豐富，係夠咸，但好似比較單一。麵係粗身麵，口感都ok唔會煮到好淋。我叫咗半筋半肉，夠淋，味道都幾好。整體都算ok。但麻辣鴨血就好唔得，個麻辣味好怪。。唔啱我口味。。。呢度好係啲座位都好闊唔會好逼，坐得算舒服，不過味道一般。