Greyhound Café (新城市廣場) (已結業)

知道呢間Cafe好hit，但一直都冇機會去試，今日終於約到朋友去食啦。首先我哋叫咗個雞翼小食，佢個皮炸得好鬆脆，啲雞肉都好嫩滑，但就唔覺得有咩咁泰式。跟住就叫咗個虎蝦螺絲粉，隻蝦好鮮甜，加上有青檸汁酸酸甜甜好開胃。跟住叫咗杯士多啤梨芒果得飲，佢個杯上面嗰部份係藍色嘅，所以影出嚟粉藍粉紅色好靚。最後我哋叫咗個蛋糕作為終結，佢係奶茶千層蛋糕，奶茶味唔算好重，但蛋糕層次分明，加上蛋糕上面嗰兩隻鹿好可愛，整體都唔錯。