聚福樓 (已結業)

難得男朋友咁有心機, 搵左呢間咁靚既餐廳同我食, 雖然通常我都唔想食咁貴, 都豪一豪嘆個假日lunch啦!黎到呢度, 覺得好有異國風情, 好似喺酒店訓醒覺, 係附近食野然後去玩既感覺, 令人心情放鬆。All day breakfast$138: 有炒蛋、薯餅、scone、沙律菜、茄汁豆、煙肉、香腸、芝士片、蕃茄、奇亞籽等, 有健康野有唔健康野, 咩都有啲, 無清晰主題定位, 大包圍, 食晒卡路里超晒標, 夜晚要食返清淡啲。各樣質素都唔錯, 幾好味, 咁豐富多種類亦令人滿足。 其中比較特別係奇亞籽乳酪, 食落又幾滑, 不過呢樣野幾飽肚的, 份量又多, 加埋落呢個咁豐富的all day breakfast度有啲太多了。雖然早餐定價較高, 但免加錢配既飲品選擇幾多, 算有誠意, 我叫左熱薄荷朱古力, 朱古力好濃郁, 不過唔記得影相。男朋友叫左green tea latte, 黎到見到有單眼仔樣, 好鬼cute, 開心晒!黑松露磨菇天使麵$168: 呢個就覺得比較膩, 一個人食就太滯, 兩個人分比較好, 黑松露份量都不少。