潮江春 (怡和大廈) (已結業)

假日的中環少了一分緊張的繁囂，卻換來多一分異國的擠擁，但一樣無損我專誠到中環，因為我要食「潮江春」點心⋯⋯其實都試過幾間唔同嘅潮江春，總覺得中環潮江春點心最保持到水準、最好味。酒樓環境舒適，即使枱與枱之間距離幾親密，一樣無所謂。點心紙係假日獨有的，選擇的確非常之多。今次只食咗幾款傳統點心：炸芋絲春卷：外面少有的傳統芋絲餡春卷，外脆內芋香，超正街邊蒸腸粉：平時已好少食嘅街邊腸粉，可以係飲茶時候食到，風味不同但滋味依然蜜汁叉燒包：每次飲茶我的必食點心，超好食潮洲蒸粉果：潮洲點心必食嘅潮洲粉果，皮薄餡足，加埋辣椒油，勁正！山竹牛肉球：無咩特別，但一樣好食。點心岀色、環境舒服、服務平均，雖然結賬前嘅功夫茶上次自動供應、今次就消失咗，但如果要求，應該會奉上一碟六杯嘅功夫茶。無論如何，中環「潮江春」都係假日飲茶嘅一個好選擇！