影片
更多
2023-02-24
79 瀏覽
講到明係放題，但係每次落單淨係俾落1碟，落單又要受老闆質疑食唔曬，俾人感覺真係好孤寒🙁。埋單人頭成$350(已經做緊55折discount)，性價比完全唔高😓。———見呢間火鍋店夜晚7:30都唔洗排隊就決定試吓，入到去成間舖頭都冇客，已經覺得少少伏🤔。同其他雞煲邊爐大同小異，一嚟先上雞煲，味道正常，麻辣味都香。食完雞煲，轉邊爐，一開始上海鮮拼盤，老實講都新鮮足料，有蝦蜆鮑魚蟶子，賣相、味道唔差👍🏾。食完海鮮，要嗌其他肉類雜丸蔬菜等等，就要填紙交俾waiter嘅。———我哋個set係2小時任食火鍋放題，咁初頭照平時食放題咁落單，牛肉嗌咗3份、豬肉嗌咗2份(我哋5人行，呢個量絕對唔過分)，點知老闆過嚟講話呢度同其他餐廳唔同，啲份量係按人頭嘅，所以每樣嘢嗌1份就得，話驚我哋食唔曬😅。好啦，咁即管嚟咗一次睇吓點先😅。上到嚟，嗰份牛同豬各自得10塊左右，基本上唔洗10分鐘食完，於是就問waiter再攞紙落單。為咗避免嘥紙，每次淨係落得1份，我哋同waiter提出不如一次過落3份牛，初頭waiter都同意，點知老闆又走過嚟話，呢個套餐嘅規矩係每次每樣嘢只可以落1份😅，費事嘥嘢。結果食咗兩個鐘，淨係
———
見呢間火鍋店夜晚7:30都唔洗排隊就決定試吓，入到去成間舖頭都冇客，已經覺得少少伏🤔。同其他雞煲邊爐大同小異，一嚟先上雞煲，味道正常，麻辣味都香。食完雞煲，轉邊爐，一開始上海鮮拼盤，老實講都新鮮足料，有蝦蜆鮑魚蟶子，賣相、味道唔差👍🏾。食完海鮮，要嗌其他肉類雜丸蔬菜等等，就要填紙交俾waiter嘅。
———
我哋個set係2小時任食火鍋放題，咁初頭照平時食放題咁落單，牛肉嗌咗3份、豬肉嗌咗2份(我哋5人行，呢個量絕對唔過分)，點知老闆過嚟講話呢度同其他餐廳唔同，啲份量係按人頭嘅，所以每樣嘢嗌1份就得，話驚我哋食唔曬😅。好啦，咁即管嚟咗一次睇吓點先😅。上到嚟，嗰份牛同豬各自得10塊左右，基本上唔洗10分鐘食完，於是就問waiter再攞紙落單。為咗避免嘥紙，每次淨係落得1份，我哋同waiter提出不如一次過落3份牛，初頭waiter都同意，點知老闆又走過嚟話，呢個套餐嘅規矩係每次每樣嘢只可以落1份😅，費事嘥嘢。結果食咗兩個鐘，淨係嗌到4碟牛(即係每人8塊到)🫠。
———
先不論上菜嘅速度越嚟越慢，最過份嘅係，每次落單，老闆都會過嚟質問我哋係咪真係食得曬😅，仲要指住我哋枱面其他餸菜，話我哋都未食曬其他嘢😅。到最後5分鐘，我哋再落1份牛，老闆又過嚟話，我哋夠鐘啦喎，唔可以再嗌，咁我哋都算，諗住食埋個煲入面淨底嘅麵同菜就走(檯面無淨任何嘢食)。一夠鐘，老闆即刻過嚟趕人，我哋就話食埋個煲入面少少餸先，唔想嘥嘢，好快就搞掂😅。跟住老闆又窒我哋話，都話你哋食唔曬㗎啦，嗌咁多做咩🧐。到最後，大家都係靠啲麵同雜丸食飽😒。
張貼