不過喺出面排緊隊嘅時候已經會幫客人落定單，所以入到去坐左5分鐘左右就已經有得食。我之前每次黎基本上都係食滷排骨便當，係我個人中意嘅口味，不過我覺得水準有時有啲飄忽，試過食一兩次，啲排骨比較實，唔知係咪煮過頭。
但因為聽朋友平時講話中意食香酥排骨，所以今次諗住一於試下。佢有三款口味(鹽酥、海苔、香辣)可以揀，第一次試就緊係揀返經典嘅鹽酥。依個便當$64，會包埋野飲，不過得三款免費，如果想飲其他例如珍奶嘅話就要另外加錢。
不得不提佢嘅排骨真係超大塊，炸得非常香脆，而且肉質都好嫩，唔會好實，味道係幾好食嘅，不過同滷排骨相比，我覺得香酥排骨會乾身啲，尤其係佢本身無汁，但佢啲調味都做得岩岩好。
除左排骨之外，個便當另外仲會有5款配菜，日日唔同。咁岩今日有玉子燒，有啲驚喜，而且都幾好食。不過坦白講佢嘅飯因為無汁，所以會有啲dry，要連埋啲配菜、排骨一齊食先得。
因為我今次唔記得叫少飯，最後有啲飯都食唔哂淨低，但我覺得香酥排骨係好食嘅！食完成個便當真係超級飽，而且都好滿足🤣
