影片
更多
2022-01-26
240 瀏覽
已經唔係第一次嚟呢一間高質素嘅中菜廳😍上一次同屋企人食完之後一直念念不忘，今次帶男朋友嚟食☺️估唔到佢同我一樣都咁鍾意，特別係隻紅燒乳鴿😍食完真係返尋味呀～今次同樣都係食精選午餐$388/1位，每一道菜色味道都真係唔錯㗎，所以絕對對得住價錢☺️值得encore🤡▫️松露醬野菌石榴粿、流心鵪鶉蛋燒賣、啤梨Q嘜鹹水角每一樣賣相都非常精緻，又食得又睇得🤡真係好鍾意佢既松露醬野菌石榴粿，松露醬好香，個皮又薄！可以用晶瑩剔透黎形容❤️如果有睇我上一次介紹嘅話，就知道佢哋既食材，真係真材實😄▫️瑤柱竹笙灌湯餃同樣都係令我念念不忘嘅灌湯餃，係我食過最好食嘅🥰竹笙好厚，食落好爽，同時吸晒上湯嘅精華！以佢嘅灌湯餃真係好皮薄，但係載着滿滿嘅材料，瑤柱真係非常之多，每一啖都食到瑤柱嘅鮮味🥳餡料都好豐富，鮮蝦仁、冬菇、豬肉，而且豬肉又唔會好肥，一句講晒！掂！🤭🤭▫️紅燒乳鴿超級好食嘅紅燒乳鴿！屋企人同男朋友都好鍾意食，皮脆肉香，點埋岩鹽石真係不得了😻乳鴿炸到金黃色，唔會變黑蚊蚊，真係好考功夫㗎！食一隻真係絕對唔夠喉😆😆😆▫️白胡椒汁蛋白煎蝦球大蝦非常之厚身，真係食一隻都已經夠飽😻🥳白胡椒汁味道好香，都幾醒胃，唔錯～❤️▫️蒜子
已經唔係第一次嚟呢一間高質素嘅中菜廳😍上一次同屋企人食完之後一直念念不忘，今次帶男朋友嚟食☺️估唔到佢同我一樣都咁鍾意，特別係隻紅燒乳鴿😍食完真係返尋味呀～今次同樣都係食精選午餐$388/1位，每一道菜色味道都真係唔錯㗎，所以絕對對得住價錢☺️值得encore🤡
▫️松露醬野菌石榴粿、流心鵪鶉蛋燒賣、啤梨Q嘜鹹水角
每一樣賣相都非常精緻，又食得又睇得🤡真係好鍾意佢既松露醬野菌石榴粿，松露醬好香，個皮又薄！可以用晶瑩剔透黎形容❤️如果有睇我上一次介紹嘅話，就知道佢哋既食材，真係真材實😄
▫️瑤柱竹笙灌湯餃
同樣都係令我念念不忘嘅灌湯餃，係我食過最好食嘅🥰竹笙好厚，食落好爽，同時吸晒上湯嘅精華！以佢嘅灌湯餃真係好皮薄，但係載着滿滿嘅材料，瑤柱真係非常之多，每一啖都食到瑤柱嘅鮮味🥳餡料都好豐富，鮮蝦仁、冬菇、豬肉，而且豬肉又唔會好肥，一句講晒！掂！🤭🤭
▫️紅燒乳鴿
超級好食嘅紅燒乳鴿！屋企人同男朋友都好鍾意食，皮脆肉香，點埋岩鹽石真係不得了😻乳鴿炸到金黃色，唔會變黑蚊蚊，真係好考功夫㗎！食一隻真係絕對唔夠喉😆😆😆
▫️白胡椒汁蛋白煎蝦球
大蝦非常之厚身，真係食一隻都已經夠飽😻🥳白胡椒汁味道好香，都幾醒胃，唔錯～❤️
▫️蒜子上湯浸菜苗
炸蒜子再加埋金華火腿，濃郁嘅香氣，再加上菠菜，真係令菠菜生色不少😻
▫️富豪炒飯
富瑤柱蛋白炒飯☺️仍然都係炒得粒粒分明又乾身😍保持一貫水準！
▫️椰汁桂花糕
好鍾意呢一個椰汁桂花糕，味道有層次，又可以食到椰汁嘅香氣😉同時又可以品嚐到桂花嘅香味，做一個完結嘅菜式，令人心情大好🤡
張貼
