影片
更多
2021-03-27
2154 瀏覽
以前去酒樓見到菲林（aka芝麻卷）就好興奮一定要嗌，因為太耐無食到就嚟唔記得咩味，所以去咗生隆餅店買，結果去到變咗掃貨買咗好多😂雖然中式糕點口感都係差唔多，煙煙韌韌咁（我鍾意💛），但個味道就好多元化，所以買咁多係正常嘅🤣菲林個芝麻味好香濃，食落好似食緊涼浸浸滑捋捋嘅芝麻糊咁。因為真係太耐無食嘅關係，我都唔記得以前食嘅芝麻卷攤開嘅厚度係咪再薄啲定同呢個一樣，但總括嚟講都滿足咗我童年回憶同埋係好味嘅！本身以為白色嗰條同白色砵仔糕一樣味，無乜好大嘅期望。但一食落去椰味爆發，令我好驚喜，榮登咗我嘅第一位👑砵仔糕嚟講我係比較鍾意啡色、多糕少紅豆，總係覺得啡色香啲甜啲。雖然鍾意少豆但又唔可以完全無，因為啲豆爽爽哋令個砵仔糕多一份口感。呢個迷你版砵仔糕我覺得好好，唔使切開都睇到實際多唔多豆。馬蹄糕個色香味同口感都係特別唔同，因為個馬蹄令成個糕好fresh 、好清甜同爽口，今次食完佢喺我心目中嘅排名竟然高過菲林🤣🤣🤣食完一次好滿足，結果過咗無幾耐又去咗掃貨⋯今次試埋香蕉糕同最出名嘅花生糯米糍，但唔記得咗買馬蹄糕🥲香蕉糕唔算好大驚喜，同以前食過嘅差唔多。對比其他糕點嚟講佢比較甜，香蕉味都好濃，所以最好最
雖然中式糕點口感都係差唔多，煙煙韌韌咁（我鍾意💛），但個味道就好多元化，所以買咁多係正常嘅🤣
菲林個芝麻味好香濃，食落好似食緊涼浸浸滑捋捋嘅芝麻糊咁。因為真係太耐無食嘅關係，我都唔記得以前食嘅芝麻卷攤開嘅厚度係咪再薄啲定同呢個一樣，但總括嚟講都滿足咗我童年回憶同埋係好味嘅！本身以為白色嗰條同白色砵仔糕一樣味，無乜好大嘅期望。但一食落去椰味爆發，令我好驚喜，榮登咗我嘅第一位👑
砵仔糕嚟講我係比較鍾意啡色、多糕少紅豆，總係覺得啡色香啲甜啲。雖然鍾意少豆但又唔可以完全無，因為啲豆爽爽哋令個砵仔糕多一份口感。呢個迷你版砵仔糕我覺得好好，唔使切開都睇到實際多唔多豆。
馬蹄糕個色香味同口感都係特別唔同，因為個馬蹄令成個糕好fresh 、好清甜同爽口，今次食完佢喺我心目中嘅排名竟然高過菲林🤣🤣🤣
食完一次好滿足，結果過咗無幾耐又去咗掃貨⋯今次試埋香蕉糕同最出名嘅花生糯米糍，但唔記得咗買馬蹄糕🥲
香蕉糕唔算好大驚喜，同以前食過嘅差唔多。對比其他糕點嚟講佢比較甜，香蕉味都好濃，所以最好最後先食。
花生糯米糍同我預期一樣好食，可能我本身都好鍾意食糯米糍類嘅嘢，所以expectation好高。個糯米糍個皮煙韌得嚟厚薄適中，入面好足料，好多花生粒，咬到好攰🤣（讚美嚟嘅，因為真係好足料），仲有少少嘅椰絲嘅香味。我另外仲有一粒雪咗之後成粒啪，個皮凍冰冰之餘仲keep到未雪之前嘅煙韌度我覺得好正👍
張貼
