好麵線 (已結業)

今晚同朋友仔去旺角又唔知食乜好想起呢間未食過雖然遠少少都行左過黎叫左個汽鍋雞二人餐包括汽鍋雞2個,傳統過橋米線1大碗,蒜泥青瓜同2個甜品汽鍋雞～話就話係田七汽鍋雞,但無乜藥材味,雞味好足,鍋內既雞肉滑又淋,不過已經無晒味,最後無食到,但1人1 個飲完都飽左一半傳統過橋米線～有十三種料:鮮牛肉,手撕雞,豬潤,腐皮,芽菜,蕃茄,九菜,魚腐,生菜等等,上檯時即時將材料同米線加入有雞油浮面既湯入面,全部都剛剛熟,雖然因為就朋友仔只可以要唔辣既清湯底,但仍然好味道,正!蒜泥青瓜～呢個個汁好正,青瓜又夠新鮮,一碟份量好多,拌埋一齊食好正!就算散叫都只係12蚊,好抵食!甜品～係木瓜雪耳糖水,唔太甜好滋潤,但木瓜硬左少少!兩個人飽飽都只係79蚊超值!下次要再試其他二人餐!服務好好!無之前d食評咁講既情形喎!(唔通佢地都有上openrice??)阿姐好有心機咁不停介紹同解釋各樣食物六點半前埋單當下午茶計,有九折!p.s.聽到好似年廿九開始休息,年初七先再開巿要黎試最好先打黎問下!