影片
更多
2018-01-07
495 瀏覽
是咁的~~今次入到黎元朗搵女朋友仔拍拖 事關一早就決定左要食呢間所以就黎食啦呢間小店外表睇落好殘舊 但其實佢嘅炒野係好好食好高質 平時我同女朋友兩個就一碟燒汁豬頸肉炒烏冬再加d串燒share食 不過今日心血來潮就一人一碟啦我女朋友就繼續食佢至愛嘅燒汁豬頸肉炒烏冬 至於我就考慮左一陣就決定食好邪惡嘅炒公仔麵啦其實要知道一間茶餐廳嘅大廚水準去到邊 我覺得試四樣炒野就最清楚 炒烏冬 炒意粉 炒公仔麵同炒河 呢四樣嘅技巧係最高 比起炒飯炒麵更難 炒烏冬要炒得夠鑊氣得黎要防止佢炒到痴埋一舊 所以一定要落足夠嘅油 但落太多油 烏冬上枱時又會唔夠乾身而且食客食落就一口油 好濟 炒意粉大家都知本身意粉係要先出水令佢由硬身麵條變成腍身嘅意粉 淨係呢一步 個時間都要掌握得好好 唔係好易過龍影響口感 除此之外炒意粉更加要控制好時間 一定要快炒 快炒先可以保持到意粉果陣一條一條 爽身嘅口感至於炒公仔麵 出水時間固然重要 但炒嘅時間落幾多油亦係好影響 因為公仔麵本身就好油 但你唔落油就咁炒呢就一定會痴埋一pat炒唔散 但落太多油呢就同烏冬一樣唔夠乾身成口油 而且火喉一定要夠猛 唔係d麵會碎會散 所以話炒呢d真
我女朋友就繼續食佢至愛嘅燒汁豬頸肉炒烏冬 至於我就考慮左一陣就決定食好邪惡嘅炒公仔麵啦
其實要知道一間茶餐廳嘅大廚水準去到邊 我覺得試四樣炒野就最清楚 炒烏冬 炒意粉 炒公仔麵同炒河 呢四樣嘅技巧係最高 比起炒飯炒麵更難
炒烏冬要炒得夠鑊氣得黎要防止佢炒到痴埋一舊 所以一定要落足夠嘅油 但落太多油 烏冬上枱時又會唔夠乾身而且食客食落就一口油 好濟
炒意粉大家都知本身意粉係要先出水令佢由硬身麵條變成腍身嘅意粉 淨係呢一步 個時間都要掌握得好好 唔係好易過龍影響口感 除此之外炒意粉更加要控制好時間 一定要快炒 快炒先可以保持到意粉果陣一條一條 爽身嘅口感
至於炒公仔麵 出水時間固然重要 但炒嘅時間落幾多油亦係好影響 因為公仔麵本身就好油 但你唔落油就咁炒呢就一定會痴埋一pat炒唔散 但落太多油呢就同烏冬一樣唔夠乾身成口油 而且火喉一定要夠猛 唔係d麵會碎會散 所以話炒呢d真係大有學問！
講遠左 呢到嘅炒烏冬同炒公仔麵 係炒得極之出色 乾身得黎上色又夠 烏冬唔會有d白色有d上左色 條條都上曬色得黎都仲保持到整體嘅乾爽度 大廚嘅火喉掌握得好好 而且豬頸肉亦係好好味 燒過但唔會太油膩但又脆口 保持到肉汁得黎又有香脆嘅口感 好正（仲要俾咁多）
炒公仔麵更加係比我想像中好食 以前食嘅炒公仔麵食幾啖就會好濟 因為實在太油 但呢到完全冇呢種油膩感 而且公仔麵冇一條係痴埋一齊 條條分明依然保持到公仔麵嘅口感 係就係邪惡d 但真係好好食
呢間小店雖然喺一個唔容易搵嘅位置，但你試過一次嘅話係絕對會令你想翻兜嘅一間小店 唔想太唔健康嘅話 炒烏冬係極力推介 而且價錢抵到爛 包埋野飲都係四十幾蚊 咁嘅價錢食到呢種水平嘅炒烏冬炒公仔麵真係一定要黎試呀！
張貼
