映月 (已結業)

阿女同事介紹銅鑼灣百樂中心新開左間酒居，無論食物及環境都唔錯，今晚我哋一齊就去試吓！永恒映月裝潢充滿日式居酒屋格調，座位寬敞舒適。有各式串燒，刺身，小食。三文魚新鮮肥美，油脂甘香。北海道帶子厚身又細密，味道濃郁鮮甜。味噌蟹甲羅燒，蟹殼裡滿滿的蟹膏，烤過後香氣不斷湧出，再加上蟹籽增加口感，鹹甜適中的蟹膏搭配薄脆條食，脆卜卜鮮味十足！手羽燒，燒得啱啱好，皮脆肉嫩又入味。香燒雞泡魚干，口感煙韌，咬落鮮甜，魚干越食越香，送酒一流。蒲燒鰻魚炒飯，炒飯香噴噴，粒粒都有鰻魚汁嘅味，鰻魚鮮嫩多汁，仲有很多木魚碎，好有日式風味！