影片
更多
2024-09-03
61 瀏覽
想食烤魚就係openrice碌，咁啱見到呢間之前唔知喺邊度見過人介紹，睇到啲相同評價都唔錯，就決定試試。而家香港晚市真係好靜，8:30左右去到已經好似就收舖咁氣氛，但係店員都好有禮貌熱情咁樣招呼我哋入去。麻辣烤魚+啫啫墨魚滑叫烤魚會包六款配料，但係嗌佢哋招牌必加啫啫系列會得返三種配料，都有啲唔係幾明，點解加咗錢仲要少咗料，不過見餐牌寫到必叫就試吓。啫啫系列係炒好咗先上嘅配料，炒墨魚滑加咗喺烤魚上面，味道其實唔錯，但係加錢仲要少咗其他配料嚟講又未值得，下次就唔會再叫🫢。湯底味道正，好複雜嘅香料味，但係叫咗小辣都幾辣，建議叫比平時食開辣度低一度。條魚都好鮮美，魚肉彈牙，魚皮係湯入邊煮咗一陣都仲係有少少脆脆，高質！唔係太肚餓關係，兩個人只係加多一個薯粉都勁飽了，薯粉吸晒啲湯好好味，另外跟條魚嗰三個配菜嗰日跟咗土豆片萵筍同埋有一樣已經唔記得咗，都係跟埋個汁好好味。燒蠔$12一隻好平，但都因為咁平其實冇乜期望，點知嚟到都係用心之作，蠔嘅size偏細，但都好飽滿，上面擺滿蒜蓉同埋辣醬，有少少麻辣嘅味道，新鮮燒起好熱辣辣，好正！鹽燒牛舌串偏細份，但係味道都好好。飲品嗌咗兩杯特飲到好大杯，巨峰提子可爾
而家香港晚市真係好靜，8:30左右去到已經好似就收舖咁氣氛，但係店員都好有禮貌熱情咁樣招呼我哋入去。
麻辣烤魚+啫啫墨魚滑
叫烤魚會包六款配料，但係嗌佢哋招牌必加啫啫系列會得返三種配料，都有啲唔係幾明，點解加咗錢仲要少咗料，不過見餐牌寫到必叫就試吓。啫啫系列係炒好咗先上嘅配料，炒墨魚滑加咗喺烤魚上面，味道其實唔錯，但係加錢仲要少咗其他配料嚟講又未值得，下次就唔會再叫🫢。湯底味道正，好複雜嘅香料味，但係叫咗小辣都幾辣，建議叫比平時食開辣度低一度。條魚都好鮮美，魚肉彈牙，魚皮係湯入邊煮咗一陣都仲係有少少脆脆，高質！
唔係太肚餓關係，兩個人只係加多一個薯粉都勁飽了，薯粉吸晒啲湯好好味，另外跟條魚嗰三個配菜嗰日跟咗土豆片萵筍同埋有一樣已經唔記得咗，都係跟埋個汁好好味。
燒蠔
$12一隻好平，但都因為咁平其實冇乜期望，點知嚟到都係用心之作，蠔嘅size偏細，但都好飽滿，上面擺滿蒜蓉同埋辣醬，有少少麻辣嘅味道，新鮮燒起好熱辣辣，好正！
鹽燒牛舌串
偏細份，但係味道都好好。
飲品嗌咗兩杯特飲到好大杯，巨峰提子可爾必思梳打正路，菠蘿青檸梳打出色係有鮮菠蘿肉！
不過有個問題就係所有食物都好耐先上到，等得比較耐，落單到有嘢食起碼半個鐘以上，去食嘅朋友就要預多少少時間(唔知係咪8:30都偏夜可能有啲同事放咗工，所以出菜比較慢)。
值得一提，係店員真係好Nice咁耐心介紹，無論對我哋枱定係隔籬枱都解釋得好詳盡，同好有禮貌，今時今日真係比較少見有啲嚇親🤣。
張貼
