糖百府 (已結業)

星期二夜晚，睇完場戲專誠去食綿花冰，去到有十幾廿人係出面等，拎完張飛食埋個飯，剛剛好到我。簡簡單單點個牛奶冰底，芒果醬，芒果肉，粟米片。上碟好靚，不過少左芒果肉，我同店員講佢睇都無睇張單就話OK，另上一碟芒果肉，好野！唔通我會呃你幾蚊咩，我欣賞佢，哈哈！味道唔錯，感覺良好。不過冰底都係台北既綿D。走果陣埋單比錢，滿臉笑容果個多數係老闆啦：係咪食食下凍阿？我見你女朋友著番件衫。好野WOR老闆！一個笑容，一句說話，睇到一份誠意。剩係尼件誠意都值得返轉頭啦！