厵茶 (已結業)

係葵廣經過呢間飲品店，同商場內其他飲品店唔同嘅係，呢間係主打買茶類飲品，無乜花巧嘢。見門面冇乜人等，就停低望下有乜飲，店主叔叔好主動介紹佢哋嘅茶，邊隻濃啲、邊隻帶甘等等，仲有得試飲添，絕對係非場內其他飲品店可以做到嘅👍🏼👍🏼經過一輪介紹之後，我就揀咗紫薯雲頂茶。驚喜嘅係紫薯原來係奶蓋😍😍未琴蓋之前店主叔叔仲叫我飲一啖奶蓋，試吓係咪真紫薯添😂😂同其他台式飲品店唔同，呢度嘅茶無加冰，所以係室溫，唔會破壞茶本身嘅味道，而紫薯奶蓋就係凍凍地，幾特別👍🏼👍🏼行得葵廣嘅多數都係年青人，或者會覺得呢間飲品唔夠冰凍，不過其實茶都好解渴，間中飲少啲凍嘢，都健康啲👍🏼