小酒窩餐廳

營業中

休息中

同朋友慶祝生日飯，唔食牛肉嘅主角話想食西餐，上OpenRice 搵餐廳嘅時候見到佐敦呢間小酒窩嘅評語都唔錯，所以就帶咗佢嚟試吓 。可能因為係平日，加上我哋六點半就開始食所以餐廳都冇乜人，好寧靜，好方便傾計👍🏻飲品方面我揀咗椰青，清甜多汁朋友揀咗嗰杯飲品就比較重藥水味😵廚師特別沙律$138加咗$20配埋雞肉，烤得好香口而肉質鮮嫩，配搭埋爽甜既燈籠椒、沙律菜、車厘茄同牛油果，伴埋蜜糖芥茉汁，好Fresh好開胃！大家都覺得呢碟沙律非常好味👍🏻忌廉煙肉寬條麵$145話說我哋都好鍾意食卡邦尼意粉，呢個做得非常之Creamy多汁，意粉好彈牙，煙肉份量都好足！推薦！咖喱雞$106 配洋蔥烤餅$32咖喱唔算好辣醬汁唔會好浠，用黎點烤餅真係一流，雞肉唔會好鞋，唔錯！洋蔥烤餅熱辣辣好新鮮而且非常鬆軟又香！好味！最後嘅生日甜品，朱古力布朗尼配雲呢拿雪糕為朋友嘅生日飯畫上一個完美句號。