武藏野 (已結業)

今次再嚟大埔試下依間嘢, 上次嚟已經係半年前, 今日再度幫襯, 不知是否星期六關係, 夜晚七點左右已差不多滿坐, 不過好快就有, 唔係等得太耐, 入到去坐咗張2人卡位, 先點咗嘢飲先, 叫咗杯巨峰乳酸, 酸酸甜甜解渴開胃。今次再來, 發現多了不少新嘢食, 女友愛試新嘢, 咁啱晒唔洗諗咁多。見佢地牆上板仔上寫了好幾樣推介, 我們見到佢地有生蠔食, 所以首先我們點了半打生蠔, 說是紐西蘭蠔, 我地食開法國蠔, 但女友想食, 所以叫了。嚟到後, 生蠔賣相亦算大隻, 入口都幾甜口及感覺新鮮, $150都算便宜。之後見佢海胆一板只是$88, 愛小便宜的女友當然即點, 另再叫了三文魚腩刺身, 油甘魚刺身, 鰻魚壽司, 鱆紅魚壽司, 清酒煮蜆拼東風螺及一個蕃茄豚肉烏冬。海胆鮮甜, $88可吃一板, 還真化算。三文魚腩及油甘魚刺身新鮮夠凍, 鰻魚及鱆紅魚壽司亦都值得推介, 鰻魚壽司件鰻魚大大件, 鱆紅魚壽司上有點心思, 不太知是什麼, 但有點辣, 配合起來味道也不錯, 另不得不提是他們的壽司飯有濃郁的醋味及柔韌適中。再來是清酒煮蜆拼東風螺, 平日食開一般只是蜆, 螺就第一次食, 沒想到螺亦可夾到清酒的