104
15
10
餐廳: Pepino 意大利餐廳
優惠: 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。
條款及細則:
  • 國泰會員於指定夥伴餐廳用膳，付款時須出示「國泰 - 亞洲萬里通」應用程式內的會員二維碼，方可賺取「亞洲萬里通」里數。
  • 國泰會員每次可賺取「亞洲萬里通」里數之消費額上限為港幣10,000元。
  • 會員於國泰夥伴餐廳作合資格消費，每港幣4元可賺取1里數。而渣打國泰Mastercard®客戶憑卡消費可享每港幣4元賺取2里數，包括合作夥伴餐廳合資格消費之餐膳里賞（每港幣4元賺取1里數）及基本餐飲類別之合資格簽賬獎賞（每港幣4元賺取1里數）。
  • 賺取之「亞洲萬里通」里數將根據餐飲與膳食消費，包括服務費、稅項及小費的總和而計算。
  • 惠顧特定推廣套餐或不可賺取「亞洲萬里通」里數。請預先向個別「賺里餐廳」查詢。
  • 賺取的「亞洲萬里通」里數將於認可餐膳消費交易後10個工作天內存入會員的賬戶。
須受其他國泰條款及細則約束。
等級1
4
0
值得推介o既自助餐
2000-11-04 16 瀏覽
上一次去己經o係上年o既事，當時價錢比而家平少少，但已經包埋o野飲，十分抵食。但而家雖然加o左少少，小弟覺得仲值得推薦o俾大家。呢度o既自助晚餐頭盆、沙律同甜品都o係要幾多拎幾多食幾多，至於湯及其他廿幾款菜式就要落柯打先整，但都o係任叫任食。食物方面，雖然o係意大利餐廳，但都「有辣有唔辣」，沙律同部分頭盆比較意大利，亦有部分菜式已經比較西化。任拎o既o野食方面，食意大利沙律o係本住作為食家試o下味o既心態，並未太欣賞，當然你亦可找齊所有配料炮製凱撒沙律，則有另一番風味。生蠔同凍蝦都o係十分好o既選擇。甜品o既芝士餅太實，芝士亦唔夠香。但Tiramisu就很出色，一定要批評o既話就o係酒味唔似Rum味。任叫o野食方面，三個湯都幾正，小弟最鐘意o既o係意式香草魷魚白豆湯，好香好滑。扒牛柳同燒羊扒最o岩食肉獸，十分美味，燒墨魚同香草扒三文魚就最o岩鐘意海o既朋友。意粉方面，小弟推薦雜菜粉卷同埋肉丸意粉。迷你雜菜薄餅好Cute，好迷你，而芝士焗西蘭花亦是上選。至於雞胸、南瓜麵根、飯類以及粟米餅可以不試!總括來說，食物有好有唔好，食時最好避重就輕。但在這裏有一流o既環境，一流o既服務，又唔駛同人
更多
上一次去己經o係上年o既事，當時價錢比而家平少少，但已經包埋o野飲，十分抵食。但而家雖然加o左少少，小弟覺得仲值得推薦o俾大家。

呢度o既自助晚餐頭盆、沙律同甜品都o係要幾多拎幾多食幾多，至於湯及其他廿幾款菜式就要落柯打先整，但都o係任叫任食。

食物方面，雖然o係意大利餐廳，但都「有辣有唔辣」，沙律同部分頭盆比較意大利，亦有部分菜式已經比較西化。

任拎o既o野食方面，食意大利沙律o係本住作為食家試o下味o既心態，並未太欣賞，當然你亦可找齊所有配料炮製凱撒沙律，則有另一番風味。生蠔同凍蝦都o係十分好o既選擇。

甜品o既芝士餅太實，芝士亦唔夠香。但Tiramisu就很出色，一定要批評o既話就o係酒味唔似Rum味。

任叫o野食方面，三個湯都幾正，小弟最鐘意o既o係意式香草魷魚白豆湯，好香好滑。扒牛柳同燒羊扒最o岩食肉獸，十分美味，燒墨魚同香草扒三文魚就最o岩鐘意海o既朋友。意粉方面，小弟推薦雜菜粉卷同埋肉丸意粉。迷你雜菜薄餅好Cute，好迷你，而芝士焗西蘭花亦是上選。至於雞胸、南瓜麵根、飯類以及粟米餅可以不試!

總括來說，食物有好有唔好，食時最好避重就輕。但在這裏有一流o既環境，一流o既服務，又唔駛同人迫「大窩自助菜」，百幾蚊有交易，仲可以加錢要汽水、啤酒、紅酒任飲，仲可以用信用咭得八五折，應該都值得推介比各路英雄。
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食