深宵食堂 (已結業)

放工同男朋友去銅鑼灣食晚飯試新野！一上到去即刻叫野食，好快就上菜了。先黎芝麻雞翼，皮炸得岩岩好，好香口。之後燒鯖魚，點埋個汁，超好味，食到停唔到口。燒冬菇，帶子，蒜頭。冬菇好juicy，帶子又唔會un，蒜頭未必人人岩，不過我同男朋友都好鍾意食。燒羊架，唔會太羶，岩岩好，羊肉味又夠。燒原條茄子，碟茄子一黎到已經聞到好香，味道當然都非常好！煙肉燒蠔串，用煙肉包住啲蠔黎燒，蠔味完全冇流失，愛蠔之人必食！黑豚肉露荀串，聽到黑豚肉，唔洗講都知幾好味。最後鵝肝雜菌石窩飯，本人至愛，鵝肝都算大舊，個汁用黎撈飯都好好味。總結，食物既水準真係唔錯，餐廳地方唔算太大，但坐得好舒服，值得再去！