湖越

今晚入開大美督行吓，見到而家開咗好多新餐廳，見到呢間越南菜望住過湖，環境幾好，睇吓有Menu都好多嘢食，一於試吓。
我哋坐室外環境好靚，好乾淨，我哋叫咗個火車頭河

份量都好足，又大碗，湯底濃濃牛骨味，清澈帶有少少甜味，唔錯，加杯啤酒一流

跟住叫咗兩個小食，一個蝦春卷一個係燒豬頸肉，兩樣都好好味，蝦春卷成件好實淨，完全冇偷工減料，豬頸肉好入味，好香炭香，另外仲叫咗個菜，不過冇影相，都係唔錯的。
跟住我哋夜晚諗唔到食咩決定喺度外賣埋，唔知道其他嘢都一樣咁出色

特別想讚吓呢個越南法包，佢都算係香港食過數一數二正宗，同我當年喺越南食過嘅味道完全一樣