串酒里 (已結業)

呢間串酒里係巷仔入面，位置有啲隱蔽，店面細細，不過店舖好有feel，裝修有居酒屋既感覺，燈光偏暗黃，同朋友傾偈詳談係非常合適嘅地方。今晚食咗幾款串燒好值得推介，鹽燒厚切牛舌，除左有陣牛肉香味，仲有口感好爽口，好實在，送啤酒一流。另外脆燒日本原條鰻魚，煎到剛剛好，而且條鰻魚好肥，好多魚油，加少少鰻魚汁食相當好食。而比較特別嘅我覺得係火辣牛丸，平時比較少食丸類，但我比佢個名吸引左，因為食串燒點少得辣味，而且好夠彈牙。